iCollections

तुम्हाला तुमचा डेस्कटॉप व्यवस्थित ऑर्गनाईझ करायचा असेल तर अनेक ॲप्स आहेत. याच ब्लॉगवर मी ‘योइंक’बद्दल लिहिले आहेच. अजुनही बरीच ॲप्स आहेत. पण आज मी ज्या ॲपबद्दल सांगणार आहे ते जरा वेगळ्या पध्दतीने काम करते. जर तुम्ही डेस्कटॉप वापरत असाल तर स्क्रिनवर तुम्हाला जास्त जागा ऊपलब्ध असते. पण जर तुम्ही MacBook Air किंवा Pro वापरत असाल तर नक्कीच तुम्हाला स्क्रिन ऑर्गनाईझ करायची गरज निर्माण होते.

हे ॲप आहे iCollections. हे ॲप Lite Version मध्येही ऊपलब्ध असल्याने तुम्ही विनामोबदला डाऊनलोड करु शकता. वापरु शकता. जर तुम्हाला आवडले तर तुम्ही Pro Version डाऊनलोड करु शकता. वैयक्तीक मला मात्र फ्रि व्हर्जन पुरेसे वाटले.

iCollections मध्ये तुम्ही एक अशी जागा बनवू शकता जेथे तुम्ही तुम्हाला नेहमी लागणाऱ्या फाईल, फोल्डर किंवा काहीही साठवू शकता. किंवा एकाच प्रकारच्या फाईल ऑर्गनाईझ करु शकता. म्हणजे पेजेस फाईल, फोटो फाईल्स, ॲप्लिकेशन्स वगैरे. तसेच तुम्हाला नेहमी लॉगइन करावी लागणारी वेबसाईट तुम्ही डेस्कटॉपवर ठेवू शकता. तुम्हाला आवडणाऱ्या फोटोंचा स्लाईड शो स्क्रिनवर ॲरेंज करु शकता. यात अनेक सुविधा ऊपलब्ध आहेत त्या तुम्ही प्रत्यक्ष वापरुन पाहिल्यावर तुमच्या लक्षात येतीलच. नेहमी प्रमाणे खाली लिंक दिलेली आहेच. तुम्हालाही अशाच प्रकारचे किंवा तुम्हाला आवडलेले ॲप असेल तर त्या विषयी कॉमेंट मध्ये लिहायला विसरु नका.

तुम्ही येथुन iCollection डाऊनलोड करु शकता.

Sleep to Music with an iPhone or iPad

Sleep to Music with an iPhone or iPad  

  

बरेचदा आपल्याला काहीतरी वाचत किंवा छानसे संगीत ऐकत झोपायची सवय असते. निदान मला तरी आहे. पण अडचण ही असते की संगीत ऐकता ऐकदा झोप लागून जाते आणि आपण निवडलेले संगीत एका मागून एक वाजत रहातात. अगदी पुर्ण रात्र. पण जर तुम्ही iPhone, iPad किंवा iPod वर संगीत ऐकत असाल तर तुम्हाला यावरती ऊपाय आहे. तुम्ही प्ले केलेले म्यझीक कधी थांबावे हे तुम्ही ठरवू शकता. हे फिचर iOS मध्ये inbuilt असुन त्यासाठी तुम्हाला कोणत्याही 'थर्ड पार्टी ॲप’ची आवशयकता नाही. कसे ते पाहूयात. 

Fall asleep listening to music with your iPhone or iPod touch

या पध्दतीने तुम्ही ठरवलेल्या वेळेत iPhone, iPad किंवा iPod सुरु असलेले संगीत आपोआप बंद करेल.

1. Clock या ॲपवर क्लिक करा.
2. आता Timer वर क्लिक करा.

1. येथे तुम्हाला डाव्या बाजुला 'तास', मध्ये 'मिनिट्स' आणि ऊजव्या बाजुला 'सेकंद' दिसतील. तुम्हाला किती वेळाने म्युझिक बंद व्हायला हवे तितका वेळ सेट करा.
2. आता खाली असलेल्या 'When Timer Ends' दिसेल. त्यावर क्लिक केल्यावर निवडण्यासाठी अनेक टोन दिसतील. सगळ्यात खाली ’Stop Playing' हे ऑप्शन दिसेल. त्यावर क्लिक करा.
3. आता ’Start’ बटनवर क्लिक करा. 

बस्, ईतकेच. आता तुम्हाला तुमच्या फोनच्या बॅटरीची काळजी करायला नको.

Keyboard Shortcuts

तुम्हाला माहीत आहे का? तुम्ही हवे असलेले किबोर्ड शॉर्टकट बनवु शकता. अर्थात या साठी HotKey सारखी ॲप मदत करतात पण Mac OS वरही तुम्हाला हवे ते शॉर्टकट तुम्ही बनवू शकता. हे किस्ट्रोक एखाद्या विशिष्ट ॲपसाठी अथवा ठरावीक menu option साठी बनवू शकता. कसे ते पाहूयात.

How to Make Keyboard Shortcut in Mac OS

Mac OS च्या प्रत्येक व्हर्जनवर हे किबोर्ड शॉर्टकट बनवता येतात.

1. प्रथम ॲप्पल मेनू  मध्ये जा. तेथे “System Preferences” मध्ये जा आणि “Keyboard” पॅनेल वर क्लिक करा.

2. वरती अनेक पर्याय (Tab) असतिल, त्यातुन "Shortcuts" वर क्लिक करा. Shortcuts वर क्लिक केल्यानंतर डाव्या बाजूला असलेल्या साइड मेनू मधून ॲप शॉर्टकट हा पर्याय निवडा.

3. खाली "+" आणि "-" हे दोन्ही चिन्हे असतील. अगोदर असलेला एखादा शॉर्टकट काढून टाकण्यासाठी किंवा नविन बनवण्यासाठी. आपल्याला शॉर्टकट बनवायचा असल्याने "+" वर क्लिक करा.
4. Application समोरच्या विंडो मध्ये असलेल्या पर्याया मधून एक निवडा. म्हणजे तुम्ही तयार करत असलेला शॉर्टकट सगळ्या Application साठी हवाय की एका ठरावीकच Application साठी हवाय. मी येथे All Application हा पर्याय निवडला आहे. 

5. आता दुसरी विंडो आहे "Menu Title" या विंडो मध्ये तुम्हाला जो शॉर्टकट बनवायचा आहे त्याचे तंतोतंत नाव लिहा. स्पेलिंग अथवा अप्पर-लोअर केस जरी चुकली तरी तुमचा शॉर्टकट काम करणार नाही. येथे मी  फाईल मेनु मधे असणाऱ्या "Rename" साठी शॉर्टकट बनवत आहे.
6. किबोर्ड शॉर्टकटवर क्लिक करा. तुम्हाला जो किबोर्ड शॉर्टकट हवाय तो प्रेस करा. मी येथै ⌥+⌘=R हा घेतलाय. तुम्ही निवडलेला शॉर्टकट Keyboard Shortcut समोर दिसेल. सर्व झाल्यानंतर "Add" म्हणजेच "+" बटनवर क्लिक करा. Rename साठी तुमचा किबोर्ड तयार आहे. आता एखादे ॲप ओपन करा. File वर क्लिक करा आणि पहा तुमचा शॉर्टकट Add झालाय की नाही ते. सोपे आहे.

1. एक काळजी मात्र घ्या. तुम्ही निवडलेला शॉर्टकट दुसऱ्या कशासाठी अस्तित्वात नाही याची खात्री करा.
2. Spelling  आणि Capitalisation तपासून घ्या.
3. Keynote सारखे ॲप ओपन करुन तुमचा शॉर्टकट लगेच वापरुन पहा.

All Application निवडले असेल तर menu item option असलेल्या प्रत्येक Application साठी हा शॉर्टकट तेच काम करेल ज्याच्यासाठी तो बनवला आहे.

Specific Application निवडले असेल तर हा शॉर्टकट फक्त तुम्ही निवडलेल्या Application साठीच काम करेल. थोडा सराव झाला की तुमच्या लक्षात येईल याचा कसा कसा ऊपयोग करता येईल ते.

कशी वाटली टिप? या छोट्या छोट्या Tips आणि Tricks मुळेच तुम्ही Mac Master व्हाल हे नक्की. तुम्ही जर एखादा हटके असलेला शॉर्टकट बनवला असेल तर तो कॉमेंट मध्ये नक्की शेअर करा.